窪田美知子

關於窪田美知子

由「銘切」開始

窪田美知子 1991 年生於大阪府高槻市，自小喜歡手作同細緻嘅工夫，由細學書道直到高中，並取得書道初等師範資格；大學畢業於立命館亞洲太平洋大學。

求職時，佢走訪疊蓆、和服、和紙、陶藝、和菓子等日本傳統工藝。直到喊京都一間老字號刀舗，第一次見到師傅喊刀身刻上刀銘（銘切），即刻覺得「就係呢條路」。佢向全國多間刀廠自薦，屢次被拒，直至大阪堺市青木刃物製作所（堺孝行）社長青木孝浩毫不猶豫收佢入行。

開創「彫金包丁」

入行後負責銘切嘅佢，一心想做「只有自己做得到嘅刀」，於是自學雕刻，靠不斷嘗試摸索出自己嘅風格。佢將練習過程放上社交媒體，引來一間中國貿易公司訂造十把鯉魚雕刻刀；之後日本及海外代理商嘅訂單陸續而來。今日，「窪田彫金」已經成為彫金包丁呢個新領域嘅代表名字。